الحلقه السادسه عشر
ذهبت شروق باتجاه عربيتها متجاهلة وجود رامي ولكنها عندما جاءت لتفتح بابا العربية تصدى لها رامي
شروق بعصبية مكتومة : ابعد يا رامي لو سمحت من هنا
رامي بعناد : مش باعد يا شروق لغير لما تسمعيني
شروق بنفاذ صبر وعصبية : قول وخلصني
رامي : للدرجة ديه مش حابه وجودي
شروق : وأيه اللي يخليني أحبه وبعدين أنا مش واقفة علشان أتعاتب معاك قول اللي عايزه وخلصني منظري وحش وأنا واقفة كده
رامي بتنهيدة : وحشتيني أوي
شروق : لا أنت جي تهزر بقى ابعد لو سمحت علشان اركب العربية وهمت شروق في فتح العربية ولكن رامي كان قد امسك يد شروق لمنعها من فتح العربية
شروق بعصبية : أنت أكيد أتجننت بأي حق تمسك أيدي
رامي : بحق أني جوزك وعايز أرجعك
شروق تضحك بسخرية : نكتة حلوة ديه
رامي بعصبية : لا مش نكتة يا شروق وأنتي مش هتبقي لحد غيري فاهمه وألا لا
شروق : اقسم بالله لو ما بعدت دلوقت عن العربية لكون مصرخة ولمه عليك الناس
رامي : أنا هبعد بس أنا حبيت أقلك أني ما كانش قصدي اعمل اللي عملته
شروق بتهكم شديد : ما كانش قصدك
ماكانش قصدك انك تطلقني من غير سبب
ما كانش قصدك انك تقفل موبايلاتك ولا تحاول حتى تصالحني وترجعني
ما كانش قصدك لما غيرت كالون الشقة وكنت عايزني أتنازل عن حقوقي
ما كانش قصدك لما سبتني يجي سنه رفعت فيها خلع ما فكرتش فيها تكلمني مكالمة واحده ترضيني فيها
ما كانش قصدك لم حسيت بكميه الغدر منك وفقدت الأمان معاك
ثم قالت بسخرية تصدق فعلا ما كانش قصدك
لو سمحت يا رامي أرجوك مش عايزة أشوفك تاني
وأوعى تفكر أني ممكن ارجعلك تاني أو أحس معاك بالأمان لا فوق لنفسك وأنساني وأنسى أني عرفتك في يوم
رامي بترجي : أدينا فرصة تانية يا شروق ارجوكي
شروق : ده أنا أبقى هبلة ده أنا ما صدقت احصل على ورقة طلاق ادخل نفسي تاني في النار لا طبعا ما تحاولش يا رامي صدقيني خلاص ما عتش ينفع
رامي بحزن : والله ندمان وهعوضك أنا ما لقتش حد زيك يا شروق أنا مش عارف أزاي ضيعتك من أيدي
شروق وهي تفتح العربية وتركبها بسرعة : قلتلك خلاص يا رامي ما عتش ينفع سلام يا رامي
مشت شروق تاركة رامي يعاني مرارة فراق شروق ولأول مرة هل لأنها هي من تركته هذه المرة أم انه شعر انه لا سبيل للوصول لقلب شروق مرة أخرى
في الطريق كانت شروق الحزن يعتصر قلبها أما زال يوجد بقايا حب لرامي في قلبها ولكنها شعرت بالأسى على حالها وأنها حزينة لظهور رامي مرة أخرى فمع ظهوره تجدد في قلبها ذكريات أوهمت نفسها بأنها نستها ثم مسحت دمعه على خدها فرت هاربة من بين دموعها الكثيرة التي امتلأت بها عيناه
ثم قالت لنفسها : خلاص ديه أخر مرة هبكي فيها عليك يا رامي لأنك ما تستاهلش حتى دمعة من عيني
وسرعان ما تسرب إلى قلبها شعور جميل بحياة أجمل ومزهرة
فلا تعلم أهذا هو الشعور بالنصر فلقد نصرها الله ورد أليها كرامتها بل ومازل خير كثير ينتظرها
وأنها بالفعل ومن الآن ستبدأ صفحة جديدة في حياتها مليئة بالتفاؤل والخير ولا يوجد مكان للحزن في تلك الصفحة بل لا يوجد بها رامي
دخلت شروق إلى المنزل فوجدت أمها في المطبخ تعد الطعام فدخلت عليها بوجه بشوش تملؤه الحياة وهي تقول : القمر بتاعنا بيعمل أيه
سعاد بخضه : اخص عليكي يا شروق خضتيني بس بسم الله ما شاء الله على وشك منور وزي القمر أيه السر
شروق بلا مبالاة : أصل شوفت رامي النهاردة
سعاد بذهول وصدمة : بتقولي شفتي مين
شروق وهي تقترب من أذن والدتها وتعلي صوتها : رامي بقلك رامي
سعاد وهي تبتعد عن مصدر صوت شروق : خلاص سمعت أنتي بتزعقي ليه هي ديه سيرة تفرح
شروق بنصف عين : يعني ما سالتيش هو نزل امتى هو أنتي كنتي عارفه انه هنا
سعاد وهي تتهرب من شروق : أيه
شروق : ماما قوليلي علطول عارفه من امتى
سعاد : من حوالي شهر ونص
شروق : ياه يا ماما وما قلتليش ليه
سعاد بحزن : ما كنتش عايزة أجدد عليكي المواجع وأنا بحزن أما بشوفك كده
شروق بابتسامة هادئة : خلاص اطمني يا ست الكل ما عتش في مواجع ان شاء الله
سعاد بترقب : قصدك أيه أنتي هترجعي لرامي
ضحكت شروق بصوت عالي ثم قالت : بقلك ما عتش في مواجع تقوليلي هرجع لرامي بقى ده اسمه كلام
سعاد : قولي وخلصيني أنتي في دماغك أيه ما توترنيش يا شروق اكتر ما أنا متوترة
شروق وهي تقبل يد والدتها : ما فيش يا حبيبتي الموضوع ببساطة أما شفت رامي النهاردة حسيت ان ربنا نصرني عليه حاسة أني النهاردة بس هقدر أبدا صفحة جديدة ما فيهاش رامي للأبد ما انكرش أني أما شفته حسيت بالظلم اللي سببهولي لكن بعد كده حسيت ان ربنا برد قلبي بجد واني خلاص مش عايزة أعيش معاه تاني واني كنت في وهم أني لسه بحبه بس صدقيني خلاص يا ماما النهاردة بس عرفت أد أيه أنا مش عايزاه تاني حسيت ولأول مرة أني قدام انسان غير اللي أجوزته انسان بيرفضه قلبي وعقلي أحب اطمنك وطمني بابا ان شروق بنتكم حبيبتكم الأولى رجعت لكم تاني خلاص ومفيش حد تاني هيقدر يهزمني تاني
أنا بشكر رامي لأنه علمني اللي عمري ما كنت هتعلمه في عمري كله
سعاد تأخذ شروق بالحضن وتقول من بين دموعها : يارب يا شروق يا بنتي يريح بالك دنيا وآخرة
شروق : يا رب يا ماما يا رب
يتبع