الحلقة الخامسة
فتحت شروق فوجدت سلمى بنت عمتها أمامها فسلمت عليها وأخذتها بالحضن
سلمى : أزيك يا شوشو عاملة أيه
شروق : الحمد لله أنتي اللي عاملة أيه
سلمى : الحمد لله
شروق وهي تشدها من يديها وهي تقول : تعالي ندخل جوه
أغلقت سلمى الباب ثم قالت : ماشي
هتف محمد وهو يقول بصوت عالي : مين يا شروق
شروق بصوت عالي : ديه سلمى يا بابا
محمد : طب خليها تيجي
دخلت سلمى وهي تقول : أزيك يا خالي
ثم نظرت إلى سعاد وقالت : أزيك يا مرات خالي
وأخيرا وجدت مها ويوسف وقالت :
أيه ده أنتي هنا يا مها أنتي ويوسف وكمان بتأكلوا لالأ ده حماتي أكيد دعيا لي
مها : حماتك أيه يا بت مش لما تتجوزي ثم قربت جفون أعينها من بعضها وكأنها مخبر سري ثم قالت : أوعي تكوني يا بت متجوزة عرفي من ورآنا
نظر محمد إلى مها بغضب ثم قال : أيه عرفي ديه يا بنت مش تتأدبي في كلامك
سلمى : سيبها يا خالي مها طول عمرها لسانها متبري منها هو إحنا هنلاحقها منها وألا من ابنها المفعوص ده
كل أما يلاقي شروق جيبالي حاجة أكلها أو اشربها يقولي أنتي هتشربي وتاكلي ده كله
يوسف : أصل هي بتيجي تخلص الأكل كله يا جدو
ضحك الجميع على كلام سلمى ويوسف
سلمى : ماشي يا بن مها
محمد : تعالي يا سلمى كلي يلا معانا
سلمى : والله شبعانة يا خالي ثم قالت وهي تنظر ليوسف والذي كان يراقبها وألا أقولك : هقعد أكل بالغيظ في يوسف وأمه وهاكل كمان أكلك يا يوسف
اخذ يوسف من على السفرة طبقها ووضعه على رجله بسرعة قبل أن تأخذه سلمى
سلمى : ده الواد صدق ألا أنا هاكل مكانك يا معفن
صحيح بن مها
مها : شكلك مش هتجبيها لبر وهسلط عليكِ يوسف
سلمى بسرعة : ليه وعلى ايه انا همشي من قدامكم ها خلصتي أكل يا شروق
شروق : الحمد لله
سلمى وهي تنظر إلى مها ويوسف : طب يلا نمشي من هنا بسرعة أحسن ما يجرا لي حاجة
ابتسمت شروق ابتسامة واسعة ثم قالت : عنئذنكم هدخل أنا وسلمى المطبخ اعملي كابتشينو أنا وهي ها في حد عايز
مها : ايوة يا شوشو أنا عايزة معاكم
شروق : طب وأنت يا بابا أنت وماما
محمد : لا أنا عايز شاي
سعاد : وأنا كمان شاي
ثم وجهت شروق إلى يوسف الكلام وهي تقول : وأنت يا حبيبي عايز تشرب أيه
يوسف : عايز اشرب نسكويك
شروق : حاضر من عنيا
محمد وسعاد : تسلم عنيكي يا حبيبتي
دخلت شروق هي وسلمى إلى المطبخ لكي يعملوا الكابتشينو والشاي وأكيد لا تنسى النسكويك الذي يريده يوسف
سلمى : أخبارك أيه يا حبيبتي
شروق بتنهيدة : الحمد لله بخير
سلمى : القضية اتاجلت لامتا
شروق تضحك بسخرية : تلت شهور
سلمى بضيق : تلت شهور خير خير إن شاء الله
شروق : الحمد لله خير
سلمى : بس أنا بجد مستغربة كل ده في قضية خلع أمال لو كان رفعتي قضية طلاق كنتي قعدتي أد أيه
شروق وهى تحضر الكوبيات : علمي علمك بس مش بعيد كنت قعدت سنين
سلمى بغضب : بجد حرام اللي بيعملوه ده ما كنش فيه كده على أيام النبي صلى الله عليه وسلم كان اللي بيطلق بيطلق علطول في نفس الوقت وكمان الخلع كان علطول بجد حرام يحرموا واحدة أنها تعيش ابسط حقوقها أنها تبني لها حياة جديدة مع شخص جديد ويفضلوا معلقينها كده
والراجل يطلق ويجوز براحته ويعيش حياته كده عادي ده أيه الظلم ده بجد لازم يعدلوا القوانين بتاعة الخلع والطلاق اللي لسه بنعاني منها لحد الآن
شروق بانكسار : الحمد لله يا سلمى أنا حالي أحسن من غيري في اللي معاهم أطفال وكمان أبوهم مستخسر يدفع نفقه لأولاده
بس عارفة أنا حاسة إني عمري بيعدي وأنا حياتي واقفة لا عارفة أتطلق ولا أجوز
سلمى بانفعال : هي الناس ديه مش فاكره أنها هتموت وتتحاسب قدام ربنا ربنا يعافينا بجد
شروق وهى تسكب الكابتشينو في الكوبيات وتعطي لسلمى كوبيتها : اللهم أمين
سلمى : بس أنا مش عايزاكِ تزعلي نفسك يا شوشو هو ما يستهلكيش وصدقني الأيام هتعدي بسرعة وربنا هيعوضك بأحسن منه بكتير وبكرة تقولي سلمى قالت
شروق : يارب يا سلمى يارب
يتبع